DAPUA BASAMAK

By ; Zulfikri Inyiak

Batang pimpiang tumbuah di lereng

Angin basiru rantiang bakisa

Kok latak pariuak nan taereng

Tandolah habih sikayu baka

Rumpuik sikajuik baduri-duri

Asa tasingguang daun balipek

Abih bareh abihlah padi

Baumbuak sajo jo pisang kalek

Saliguri si urek arek

Usah diasak jo dicabuik

Latak tungku nan indak arek

Mako kuali jadi tatungkuik

Rancak bungonyo si kaduduak

Elok dipandang jaleh-jaleh

Ba a gantang ndak ka taduduak

Tukang tanak kurang pakakeh

Nan karakok tumbuah dibatu

Batu talatak di tangah samak

Ditanak bana bareh dahulu

Tibo di gulai lamo ka masak

Lakek kanji si puluik-puluik

Lai tabao batinggakan

Dek isi karuang nan lah susuik

Makonyo sanduak basangkuik an

Gagang manggata si kacang miang

Elok di siang jo di unggun

Batenggang bana ka rangkiang

Padi ndak pulang tiok tahun

Batang pimpiang dakek sikajuik

Sikaduduak jo saliguri

Iduik karakok jo puluik-puluik

Alah tasisiah si kacang miang

Dimano api namuah iduik

Kayu lah basah dek hujan pagi

Disinan tasanda sukek kasuduik

nan bunyi belek tabao nyariang

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s